Tilkallingsvikar/helgevikar - Aktivisering og meistring

Har du lyst på ein jobb med litt alvor og mykje moro? Då kan denne ekstrajobben være noko for deg.

Vi søkjer etter deg som er glad i å være i lag med ulike menneske og som har plettfri politiattest; er student eller har friår, treng ekstrajobb, eller har for mange timar i døgnet du treng å fylle med noko. Kanskje er du til og med autorisert helsefagarbeidar, hjelpepleiar, omsorgsarbeidar, miljøterapaut? Då må du gjerne søke, men dette er ikkje eit krav.

Eining for Aktivisering og meistring yt tenester til personar i ulik alder og funksjonsnivå. Tjenesten ytes i den enkelte sin heim og er individuelt tilrettelagt. Vi treng vikarar til ulike typar vakter/turnusar. Dette gjeld dagtid, kveldar, aktive nattevakter, aktiv/passive nattevakter, langvakter og i døgnbasert turnus, både på kvardagar, helger og i feriar/høgtid. 

Arbeidsoppgåver

- ivaretaking av tenestemottakar sine behov for omsorg, og tilrettelegging av aktivitetar i kvardagen. 

- motivasjon og bistand i kvardagen, i heimen, følge til jobb og alle andre aktivitetar tenestemottakar ynskjer å vere med på

- være tilstades saman med bebuarane og sikre god livskvalitet

- utføre arbeid og rutiner, og gjennomføre prosedyrer i tråd med aktuelt lovverk, dagsplaner, miljøreglar og oppfølging av desse

- dokumentere i journalsystem

- legemiddelhandtering

 Kvalifikasjonar

- du må kunne tilegne deg kunnskap om gjeldande lovverk for tenesteytinga, særskilt Helse- og omsorgstenestelova kap.9
- det er ønskeleg med kunnskap/erfaring frå arbeid med personar med psykisk utviklingshemming og psykisk helse
- kunne legge til rette for ein aktiv kvardag i og utanfor heimen
- relevant praksis er ein fordel, men ikkje eit krav
- beherske norsk munnleg og skriftleg. Kravet til språk er bestått norsk på nivå B1/B2
- ha gode kommunikasjonsevne

 Personlege eigenskapar

- du må være engasjert og ha lyst til å arbeide med menneske
- ha evne til å arbeide både sjølvstendig og saman med andre
- ha godt humør, vilje og evne til å jobbe i eit hektisk miljø
- det vert vektlagt at ein er personleg eigna

Vi tilbyr 
- godt arbeidsmiljø og gode kollegaer
- løn etter gjeldande avtaleverk
- kommunen er IA-bedrift og har fokus på nærværsarbeid
- pensjons- og forsikringsordningar etter tariffavtale
- løn i høve gjeldande avtaleverk

Tilsettingsvilkår
Løns- og tilsetjingsvilkår i samsvar med gjeldande avtaleverk. Det vert trekt 2 % av lønna i pensjonsinnskot. Kommunen har prøvetidsevaluering. Ved tilsetting som krev politiattest skal denne ikkje vere eldre enn 3 månader. 

Aktuelle søkjarar vert fortløpande innkalla til samtale eller intervju.

Referanser
Oppgi referanser.

Søknad

Vestnes kommune nyttar elektronisk søknadsprosess. Attestar og vitnemål må takast med til intervju.

Søkjarlista kan bli offentliggjort.